Доакъахо ваьккхача дакъах
ца дийкъар мехках ваккха
лаьрхlар цар барт баь,
шоай мел вола саг гулваь.
Мехках ваьккхар къе вар вацар,
цох из вlалла шек дlавацар
ховр цунна гайна-ганза,
lелургйоацилга, газ, янза.
Цун коа тахан яьй кхехк,
Къамаьлаш долалу мехк
шодаш lоух, бац цар бехк
могаргдац царна чий ехка.
Дика хьажал, фуд цига доалар?
хоадабаь мохк цун коа боалар.
сакъердаме-м яр киловзал
цу юкъе оап,бlармецал,зовзал
Бажа моттиг лехаш пlурибуаргаш
дийнахь массайтаза уйлаш-хувцаргаш
кхоабача кулго дlалокъабича хьаст
къаман моастагl, болх уж, хьаста.
Букъ тlехьашка белаш тlаийцар
шоайчарца ер вийцар,ийцар
эшаргва эхь, сий доацар
лертlача наха юкъе мах боацар.
Хlанзолца дийнасурташ даьхараш,
нахаца да тхо яхараш
хlама ца кхоачалг хайча, сайцар
хиннабацар ужаш вайцар.
Мехкара ваьккхар,ше волча lийра,
духьал хиннараш цlаьха тийра
таккхалча lе! - лакхера бена хоам,
духьал ма ле, ма далийта гоам!
Нахага хаьтта доацаш хlама
боаккхаш дукха наха хьам
юхавера ше хинна мехка да
цхьаккха хlама карадоаца да.
Укх мехкара lаьдал да кхала,
зlамига-м дацар из ца хал
хьатlа мел воагlар кисаш дузаш
дукхагlа мел дуа, кlезигагlа вузаш
Хьалхарчо цхьаца лаьтт дlаделар
шоллагlа вар - хlирий нус вар
кхоалагlчо юхедисар дехкар
из цун тlехьара йола ха яр.
Сенах тара ба хlанз вай мохк
гlов хоза дола йоl е lажий йохк?
кхы саг висарий дlадохка лаьтт?
дохкача хана диц ма делаш даьтт.
Вошал а дар хоттаденна тайца
таралестар, йоl йитача, найцах
шелагlа,гаьнагlа, ха мел йоал
мел даь дика дом хиле дlадоал.
Хиннадарий-те вlалла из вошал
е гаьнагlа даланзар из дешал?
мала араваьлар дезац ала
е безам бацар качбайта бала?
Да вийнача маьречо мукъам
бенна, лела из шийх бlубенна
мотте а, лелийтаргвац дукха-м
хьа даьна даьр хила безар хьокхам.
Хьона гонахь болчара фу дергда?
даьр юхадоагlа, дуне герг да.
мичад ломаш, мичай вирий оазаш?
тlехашка лачкъа букъ бац, эга гоазаш.
Вахарах товсабеннаб лаьш,
иштта даьдар цар даьша
ер дуне - шоана ялсмале
дала шо сиха ма ле.
Гайна-ганза дутаргда дуне
шо чунтеш я, шун кортош уни
дир оаш йилбазах шоай доттагl
поал лелабеш дошо дора хоттах.
lаьржа цlи, къемат къахь
таlазар да юхь-къушта гlахь
доттагl йилбаз шоаца хургда
тхона ялсмалера шо бlарггургда.
(Тембенаькъан Мусай Мухьаммад, 280918)