насыб джукъудан уятды
бир къайгъы тюртюб джанымдан
кемире къыйнай танг атды
тамам тойдуруб джанымдан
джайгъы эртденде аязчыкъ
къачдача суукъ тийеди
сен кетиб бараса къызчыкъ
ол менден бекми сюйеди
ахыр керени кереме
ариум сени джаулукъсуз
сыйлы тыбырны терюнде
сиз джангы юйюр боллукъсуз
къуанама боллугъунга
келин отоугъа джарашхан
къыйналама боллугъуна
ол кюн дженгеринг башха
билмейме энди не этейим
джулдузсуз къалгъан тангланы
емюрге къойюб кетейим
сен айланыучу джуртланы
джыйырма джыл муратымдан
бир кюнню джазуу бошар
мен кетсемда джырларымда
сенге сюймеклигим джашар