Джашау къысха . мурат узун
Минг сагъышым къуя тузун
Джаш джюрекге . Дуньям барад азабда
Къучагъыма къыссам къаты
Тамам болса таза антым
Толур эди дейме келюм насыбдан
Эсим сенде къайдаса сен
Нек турабыз къараб кенгден
Арабызгъа эшиб буруу хауадан
Джокъмуд мадар келиб санга
Бир кесек -белек заманнга
Къучагъынгда бугъунургъа къаугъадан
Танг атаргъа джуукълашад
Эндда минг муратны чачар
Чыгъыб келген кюнню джылы таягъы
Эсим къайытыр джомакъ джуртдан
Келюм тюшер таулу сыртдан
Джаягъымдан айырылыр джаягъынг
Эсим келди насыб кетди
Мыдахлыкъны дженгер этди
Къымсыз болуб сирелеме тыбырда
Джомакъ саудан бошалгъанча
Джерде джашау тохтагъанча
Турама мен тургъан кибик къабырда
БОРЬКА