За жувакай вуч кхьидай
Рик/и буйругъ ганачирт/а.
Ви рик/из кьван рехъ туьк/уьрай
К/енивал захъ хьаначирт/а.
Вун зи къвалахъ хьаначирт/а
За жувакай вуч кхьидай.
Жегъидачир вири гафар
Алава яз , гьалч хъийидай.
За жувакай вуч кхьидай
Фикирра вун авачирт/а.
Вуна гайи къизилгуьллер
Зи столдал алачирт/а.
Хьанач завай ц/арара тваз
Гафар, ван хьайи сесерин.
За жувакай вуч кхьидай,
Есирда хьай вин гьиссерин.
Кхьейдини закай , вакай
За жувавай хьайивал я.
Малик, зав къелем вугай
Патав хьайи к/енивал я.