***
Нин т1варц1елди мад рак1арай къвезва вун,
И киш йикъан к1валин межлис гур ийиз?
Шак тефидай шаклувили незва вун,
Зи гьиссерин саламатвал ч1ур ийиз.
Жумарт багъдин емиш ава базарда,
Агатна гад къанихбурун гъил алаз...
Ваз к1анзава зун гьатна ви дидарда,
Амай са вад азгар йикъал вил алаз.
Дуьнья вири зи рик1икай уях я,
Юмшагъ цавай авахьзава зар вили.
Зунни, вун хьиз, хкат тавур булах я,
Чилин хура есирдамай дарвилин.