Лап жигердиз гьахьзава къай,
Анай рик1из - са ч1иб мензил,
Гара ава гар - хаму тай,
Герек тушир чархни бензин,
Къазунзава куьгьне цифер,
Бижгъер вегьез къаварилай,
Бульваррава ягъиз п1ивер,
Суфрадихъ хьиз ашар алай.
Къайи гъилер жибинра тваз,
Зун меркездин есир я къе.
Вучиз икьван ширин я заз
И инсанрин селда къекъвез?
За к1ват1зава рик1ел дири
Зи яр фейи куьчейрин ц1ил,
П1агьламишна шегьер вири
Адан гелел эцигиз кьил.