Гуьзел,за ваз мани лугьун
муьгьуьббатдин гьиссерикай.
Мус жеда бес заз вун акун,
лугьудайвал дердерикай.
Т1варни Гуьзел, вични гуьзел,
гьамиша вун ала рик1ел.
Зи вилерни ала рекьел
вун зи патав къведай, Гуьзел.
Кьве келима ала рик1ел,
ваз лугьудай, дагъдин марал.
Вегьемир кьел на зи хирел,
зурзазва зун пеш хьиз гарал.
Кич1езва заз вакай яр жез
яд уьлкведин са намерддиз.
Вилералди ич хьиз вун нез,
рик1из килиг вун иердиз.
Суьгьуьрдава ви вилерин,
назиквили ат1узва рик1.
Шадвал тахьай чаз рик1ерин,
гьик1 эхда бес дат1ана ик1?!