Куь куьлегри бахтунин
Квез авурай кьуд пад ачух.
Хьуй сагьибар тахтунин
Югъ-къандавай жезвай артух
Зун ялвариз галатдач
Куьн багъишай Худадиз.
Циф рик1елай алатдач,
Дерт хьайила баладиз.
Зи дуьайрин булахдай
Квез къурбандда за гьар са ст1ал-
Къуй дидедин къужахда
Пак руьгьерин секин хьуй т1ал.
За хуралай гайи нек
Квез гьалалар ийизва.
Куь рекьера зурба экв
Зун куьк1уьриз къекъвезва.