Зада гьикис вахта гуркас:
Сенбыр яхъар, сапцор ва1да.
Юхъды ч1албыр-сылан лет1ес,
Рыкъас, коль кал выды джубра.
Выш мич1ахъды такан легьес,
Гьикис гьаар ГЬЫКкад дугьа.
Генки гьыкый вада хуткас:
"Выды гьик1е ам зас джига?"
Зада гьикис ха1дей супцас-
Лувкас лукъна ц1инды ва1да,
Гьил, са сынас, гьыкар гьадгос,
Дии рава рышна гада.
Сиен карбыр лет1ес лёч1ес-
Ха1ды гьавий ваас гьава...
Мада гьыкый вада хуткас:
"Гъам рикичим зы вас быга?"
Зада гьикис гЫбыл лейкас,
Лавц1у ваас кьуруд дерья,
Бахтид быч1быр сиен езес-
Шад ваас хьур жи гъад дунья!
Зада гьикис алхыш гьаас
Гьигъа выше гьаар дугьа.
Генки гьыкый вада хуткас:
"Выды гьик1е ам зас джига?"
14.07.2018г.