Нюрлю гюнеш тереземе исинген,
Гёз ёнкюте емиш бавну батыву.
Ярашгъандай шыплыкъ елни сесине,
Гюнеш себе сувукъ къышгъа яйывун.
Тюрлю ойлар терегимни емиши,
Къара башлы жымчыкълагъа чокъума.
Гьайран эте бутакъланы гелиши,
Тюрленгендей жымчыкълардан толтурма.
Къышгъы сувукъ яш юрегим кюстюнер,
Къысматыма иржаймаса гюнешим.
Асил къушлар бир токътамай чёпленер,
Татыв тийсе терегимни емиши.
Йылы сёзюнг нюр себелеп жаныма,
Яш юрегим ругьландыра даимге.
Къуймур гёзюнг ушангъандай саныма,
Чомдурмагъа ойларымны татлиге.