ЧIехи итим амач хуьре.
Ягьиз душман ава хиве.
Чкур ийиз душман тадач.
Зулумдин эхир яргъал фидач.
Гъалиб хьана чун хкведа.
Хурал ординар аваз нурада.
Жегьеннем такурдаз женнетда кьарай къведач.
Вич вичелай гъалибвал жедач.
Хуьруьн кьилиз хабар гана.
Пуд пIипI алай кагъаз гъана.
ЧIуру хабар хуьре гьатна.
Дидейрин рикI лап аватна.
Папар вири авай хуьре.
Хкведа ам лугьуз куьне.
ЧIуру фикир тумир кьиле.
Муьгьлет мукьув жеда хиве.
Пуд пIипI алай кагъаз гъилел.
Алахьиз физ цIтал чилел.
ЧIулав цифер тагьуй кьилел.
РикI тар тахьуй, чан зи бала.
КIел ийида кагъаз за квез.
Гафар идач за квез эвез.
Чарце ава ихьтин гафар.
РакIик къамир жеда гатфар.
Душман ягъиз ава гелкъвез.
Мукьва жедач завай хквез .
Кьегьалдаказ чун хкведа.
Куьне хуьре чалди дамахда.
Залум душман вун чна тадач.
Ярх хьуниз куьн чун килигдач.
Куьн пуч ида куь чкада.
Ахпа кIвализ зун хкведа.