Мун жани яч1индал дуни нечола,
Нич къадар бугезул пиша батула
Дуда бер ч1вараго рак1 ч1аголъула,
Цох1о къвал банани х1акъ баталидай.
Припев
Мунги дунги г1адал г1емер ратила
Цоцазде шапулел данде щоларел.
К1иялго г1адинал чанги ратила,
Цоцахъ г1ащикълъарал рокьи т1убач1ел.
Цо цоял г1одула гьаб г1умроялда,
Г1ат1илъи жидеда лъазе теч1илан.
Цойгидаз бицуна рокьи ккеч1илан.
Балагьизе берзул къуват г1еч1илан.
Рокьуца мехтарал бералги росун,
Т1амуге хазина чанай вахъине.
Г1ищкъуялъ агълъараб керенги рагьун,
Кинаб щобде вахун макъан т1амилеб.
припев