Лагьанвай за,рекьер чи мад уьмуьр-биллагь къакъатдайд туш,
Туькьуьл гьижрандин а савкьат чи кьисметдиз аватдайд туш.
Рикlер ашкъид цlайаривди ялав-ялав хьайила куз,
Туьхъуьрдай,а цlаяр икl фад,къайи марфар акатдайд туш.
Гевил багъдин тlвар ашкъи тир ийер тарцин бегьер незни,
Тахьанмаз тух,ийидач кьатl къафил харци,гватдайд туш.
Лугьунрал ян-килига вуч кхьена чархи-фелекди,
Вичи кьунвайдалай,имдад ая-асла алатдайд туш.
Жуваз кlандай патахъни,чизва,элкъуьриз жедач а чарх,
Умуд це са силифдин пад-Сизиф хьиз зун галатдайд туш.
Лугьудайди жеди гьелбет,азаб чlуграл,рекьин хуш я,
Рекье-севгид,чанар регьят,накъафил кас,акъатдайд туш.
Атlай чара,ахъайиз кlан я ваз дердер шиирривди,
Илгьамдин руш,ийер а затl,къе вав,Намик,агатдайд туш.
17.05.18 г.