Вучиз,зун,зи дустариз пара кlанда?
Хабар кьада гьар къуз крарикай авур!
Заз чандал алукlдай са хара кlанда!
Бейкеф жедач гафарикай на лугьур!
Вахар,дустар,амле-миресни кlанда!
Рикl ачухна дердер чпив агуддай.
Яш хьайила,гъиле кlекlецни кlанда!
Кас тахьурай ви гъиляй ам акъуддай.
Ви рикlикай хабар авай кас кlанда!
Кlвачерик звер кваз ви патав рекьевай.
Гьар са касдин чанда чlехи къаст кlанда!
Чалишмиш жез,дердер чириз рикlевай.
Зи уьмуьрда,заз,са кикен бахт кlанда!
Зи бахт алцумдайла,чlур хьана терез!
Ятlани,заз,квехъ рахадай вахт кlанда!
Гьавиляй,уьмуьр, вегьеда куь хивез!