Зи дак1ардихъ мани лугьуз,
Лезет къачуз гатфарикай,
Назик ван авай билбилди
Хукудна зун ахварикай.
Квекай тирт1а ви авазар
Зак руьгь кутаз алакьзавай.
Амач хъуьт1уьн мад аязар
Билбил ,шад жез адахъзавай.
Хъипи билбил вуна къе заз
Хабар гана гатфарикай.
Лагь на , зазни, тагана наз
Ви манидин гафарикай.
Белки Ватандин къуш я вун,
Нагъма ягъиз рахаз билбил.
Метлем яни?Гьал хабар кьун,
Атанвай кьил ч/угваз билбил.