Омаров Габибуллах
ДЕВИРДИН КЪАЙГЪУЯР
Шаб магъа, хьин дуньяйихъ дава цlиял,
Хье мурадар булахари уlмурдин,
Ийркlура вун амихьа чlире хиял,
Алчархьатар къайгъуяри девирдин
Ул лихьуна гъадивайде адай вахт,
Тlабиаlтдин ара вея фас дегиш?
Духурай вун инсан, бабас бахт кидай,,
Агьарай ли вал алчархьеф дапас фиш.
Маргъар суман хъуфай уlмурдин исар
Алавеси уп дунььяйлас вун фи фай
Я инсан! Мус хьаси гьали вас асар
Фас агвафи дунньягь ладайка дифай.
Фелекин чарх алурцая дагъузай
Нан акъаси вун вас ликlинде кьисмет
Суриъ хlуппар тух хьегуна аlгъузай
Тух деветтис фи вей акьуна тугьмат.
Источник: Кн. " Че - Агул". Дагиздат, Махачкала, 1997г.