Г Омаров
Кьуссе хьуб даахи азар
Сафар учикк акъа бизар.
Зе гlумурдин ягъар, вазар
Исар дахlан ярхе магва.
Фамаца гlумур зарафат
Ялгун дахьас ваш вун афат.
Гулас акъуна магlрифат
Ярхе манзил жакъве магва.
Хъюсий архьу чlурхlар дарин
Ишанар дава имамин.
Раккъ фай аллахьтин каламин
Дуйилас ушуб яркъве магва.
Гъушас кида къизилин зар,
Хъухуни зун, кеттархlай цlар.
Негъвар дава лади лецlвар,
Чвес зе гlуммур ярхе магва
Насиларил хьаси рази,
Кlили файшучи зе васи.
Жаназин уркъунде хъюси
Миннати чвес кьяйи магва.
Инсан, магъа э вун буйнат,
Иблисис тин гьала нагlнат.
Чалишмиш ухь гъушас жаннат
Сиратlал мугъ аркъе магва.