Шад жедайвал рик1ин гьалар
Жуванбурун арада
Гьазур я зун кьец1ил к1вачер
Тваз Ватандин кьарада.
Лугьумир заз гадра гъурбат
Вун Ватандиз буржлу я
Муьт1уьгъ жедач залум кьисмет
Инсандилай гужлу я
Вири хьтин са инсан я зунни
Чина хъвер авай
Магьрум кас я Ватандивай
Зайиф рик1е хер авай.
Ви руш я зун , акур ч1авуз
Мублагь яз вун хъуьредай
Герек хьана эверайт/а
катиз-катиз хуькведай.
Зи хайи ч1ал багьа я заз
Ч/ал зи хайи дидедин
Ядигар яз хуьзва за ам
Цуьк хьиз михьи рик1е зин.