Суьгьуьрдин чи гьиссеррикай хранавай къир
Къалхан жеда, к1аниди, хуьдай рик1ин сир.
Гъетерин пак макандиз йифен лувари
Тухузавай, азизди,аршдай цаварин.
Вацран нурар, темен гуз гьуьлуьн лепейриз,
Къизил марф хьиз чк1изавай секин дерейриз.
Муьгьуьббатдин авазри есир авуна,
Чун махарин дуьньядиз кьведни ч1угуна.
Ширширдин ван, азизди, дили ивидин
Гьарайдилай гужлу я агъзур гьуьруьдин.
Шуьшед къаб хьиз назик рик1 хьуй вал аманат,
Вун даях яз далудихъ зун я саламат.
Зи накъварин гьуьл ранг тирт1а къелемдин,
Хабар гудай дердерикай алемдиз.
Кьибледин гар, к1анивилин Ватандиз
Ашкъидин лук1 патав твах вичин хандин.