РУСИНКА
Дівочко-русинко файна сь лиш нівроку
Нащо м тя увидів собі на мороку
Бым не годен спати бым не годен їсти
Про любов свою як ти уповісти?
Дівочко-русинко маєш файні очи
Фраїр каждый с тобов быти хоче
Ты цвітеш гі ружа в маминум городці
Ходят ракашами із-зад тебе хлопці
Встрітив ім дівчину файну гі косицю
Синьооку чорноброву та ще й білолицю
Коли м ї увидів та ми й річ одняло
Тай білого світа стало мині мало
Тай із того часу хожу гі насущный
За мнов її образ ходит всюдысущый
Бо так сильно хочу бы ты была моя
А без тебе скорі возьме ня невоя
Багатства не маю тай великых гроши
Завто є у мене характер хорошый
Буду тя любити доку буду жити
Бо ні дня без тебе мині не прожити
Дівочко-русинко чом ня не замічаш
На любов мою чом ми не отвічаш
Кроме тебе нич ми бурш не треба
Хочу ся усе дивити в очи цвіта неба
Автор: Мігаль Стан, г. Сату-Маре, 24 апреля 2018 г.