Къачу жуваз бахт,къалабулух квачир,
Кирида къачу,мумкинвал хьайитlа.
Яргъи уьмуьр дердер пара авачир,
Намусди ви,ваз,секинвал гайитlа.
Къачу жуваз бахт,кхьихь жуван шиирар,
Уькlуь-цуру уьмуьрдикай суьгьбетиз.
Лагьана тур рикlе авай фикирар,
Гьалчмир хвахвар,рахамир вун туьгьметиз.
Къачу жуваз бахт,аялди хьиз кам вегьер,
Сифте камар вегьедайла уьмуьрдиз.
Дидедин нек гьалал хьурай мад сефер,
Ви уьмуьрни чаз къалурмир сефилдиз.
Къачу жуваз бахт,АЛЛАГЬди ваз гайитlа,
Бахтуни чин тагайтlа на къачудач!
Гекъиг тийиз масадахъ,зун,хвейитlа,
Рикlин сирер мад садазни лугьудач!