п'Яниця
Всі дны проходят ми у п'янці
Зперед очий не вижу нич
Гі куй дітина радуюся склянці
Коли кось ставит магарич
Мене вже всі сусіды знают
Знают ня й на другому селі
Я там - де п'ют і наливают
Познают ня і старі й малі
Всім в селі кому не лінь
Тот ня поза очи обсуждає
Куды я туды й оно як тінь
"П'яниця" ня сопровождає
Не маю пораз на буханку
Голоден хожу цілый динь
Сокочу гроші я на п'янку
А дале п'яний йду гі пинь
Бывало сплю в шанцови
Спав не раз пуд і корчом
Лице лизали ми коровы
Мух я одганяв плечом
У бовті в ня солідный список
Маю довг іще за прошлый гуд
Не раз дуставім туй у пысок
Ходив ім як общипаный когут
Цімбору я маю дуже много
Коли стоїт бутилка на столі
І не маю цімбора я ніодного
Коли п'яный лежу на землі
Гурьку долю дав ми Бог
Сякых гі я лиш одиниці
Не знаю як іще м не здох
Тяжко в світі выжити п'яниці
Автор: Мігаль Стан, с. Уґля, 16 марта 2018 г.