Ким яратгъан гёзел сени юзюнгню,
Савгъатлагъан магъа йылы сёзюнгню.
Ай ярыкъгъа тунукъ гече къаршылап,
Юрегиме сени атынг алгъышлап
Шиъруларым къулагъынга шыбышлап
Чечдим сырым аямайлын оьзюмню
Шаир ёлну танглагъандай,
Суратлама юзюнгню.
Сатырлагъа бал тамгъандай,
Яздым гьашыкъ сёзюмню.
Шо гюн, бугюн излей бизин сокъмакъны,
Чечмек учун язгъан гююв ёммакъны.
Ойларымны болуп энни ташгъыны,
Юрегимни чинк де сыйлы сагъынчы
Излей туруп киритингни ачгъычын
Жаным тилей аллагьгъа бир болмакъны.
Шаир ёлну танглагъандай,
Суратлама юзюнгню.
Сатырлагъа бал тамгъандай,
Яздым гьашыкъ сёзюмню.