***

Экуьн кьиляй ширин ванцел азандин,
Шукур Аллагь, ахъайзава вилер за.
Чал агакьай Халикьдин пак Къуръандин
Гьар са чини ачухзава сирер чаз.

Эй, инсанар,гьиссзавани куьне бахт?
Мублагь чилер, т1ебиатдин девлетар,
Мусурман дин, виридалай зурба тахт,-
Худдад патай ганвай я квез кьисметар.

Наиб Гьасан ва Мегьамед Ярагъви
Регьберар тир, весияр тур векилриз.
К1еви иман - ихтибарлу яракь ви.
Кап1-дуьа я дарман сефил гуьгьуьлриз.