Кьуд пад дагълар, цуькведи кьур дереяр,
Атирлу я зи макандин, гьар са чил.
Экуьн сегьер ва нянин береяр,
Гуьрчег я лап, Лезгистандин гьар са кьил.
Припев.
Вун зи дарман, вун зи рик1 я Лезгистан,
Вун гьар садан, язва жигер, чан Ватан.
Вахъ ава чи лезги рушар жегьилар,
Тарих авай, гьар са хуьруьн кьегьалар.
Ч1ур тахьурай, я кефияр, я гьалар,
И дуьньядал гьич садан рик1, тахьуй дар.
Припев :
Вун зи дарман, вун зи рик1 я Лезгистан,
Вун гьар садан, язва жигер, чан Ватан.
Мехъер, меджлис хьурай гьар садан хуьре.
Цава рагъ хьуй, ислягьвал хьуй дуьньядал.
Дарих тахьуй я куь рик1е, я к1вале.
Тахьуй лезги, гьич са херни ви чандал.
19 февраль.