И дуьньядлай зун фейит1а ,
Вун туна белки кьейит1а,
На вин гъам ахъая гаруз
Ам гьазур я вин дерт тухуз.
Гьикьван к1ан хьанайт1а вун заз
Ахъая на анжах тараз.
Яб гуда ваз , юзурна хел
Хъипи пешер вегьез чилел.
Кьамир накъвар , фий, ракъура
Вахтни марф къвадай жагъура.
Дарих хьайла алад чуьлдиз ,
Регьят жеда вин гуьгьуьлдиз.
Къванеривни рахух к1еви
Гьабурни , гъавурда гьатда ви.
Са касдизни на жуван гьал
Лугьумир, ам хъуьреда вал.
Ахъаймир на беден зурзаз
К1енивал, гайи кьван за ваз.
Мич1и йифиз экв гайи гъед
Акурбур тир , анжах чун кьвед.