Заз к1ан хьанай алудиз вун рик1елай
Тахьай виляй зин гьиссерин есир вун.
Зайиф хьана алатнай зун рекьелай
Рик1е ама къени, хьана са сир вун.
Чка кьунай вуна михьи рик1е зи
Жигъир квадриз акъвазнай вун рекье зи
Аламат тир, ишигъ туьхуьн тийидай
Къаргъиш авурт1ани хъифин тийидай.
Сефил тир зин гьалар , гьик1 ийин алхиш
Вун ваз к1енидав хьанвани вердиш?
Зи рик1ин т1алдикай авач ваз хабар
Гуьгьуьл шад яз физвани , лагь, на йикъар?
Жезвач, жезвач алудиз вун рик1елай.
Вин гьиссери алудна зун рекьелай
Физва вилик , хьурай лугьуз хьайивал
Чик1изва тум гзаф жезва К1енивал!
Т1ебиатди вегьезва марф чилерал
Дегишариз вичихъ галаз зин гьални
Масад ашукь я зин пашман вилерал
Лугьузва заз, бахтлу ая зи к1вални.
Гахце , зав на чуьнуьхай зин к1енивал
Гужуналди масад твада рик1е за.
Ц1ай куьк1уьрна , ялаври гъай чимивал
Артух жеда , къай гьатнавай к1вале са.