Сандух хьиз за хазинавай,
Рик1 ачухна дердер пайда.
Кьефесдавай рик1 хьиз авай,
Муьгьуьббатдин гьиссер пайда.
Океанда тек гими хьиз,
Зун дуьньяда къекъвезава.
Зи рик1-элкен на зали хьиз,
Ашкъи туна, гьелекзава.
Нагьакьа гьар виз ахварай,
Аквазва заз ч1улав вилер -
Зи к1аниди физ яргъарай,
Зи накъваркай жезва вирер.
Ялав хьана зи к1анивал,
Ашкъидин ц1ай рик1е тваз куй.
Тежез хьайт!а заз к1анивал,
Ви т1вар даим рик1еваз хьуй.