На лагьана: "Зун шаир туш
Кесиб ч1алай жавагьир кьаз,
Зун к1ан ят1а, ам, лезги руш,
Зи вилерай жагъур жуваз.
Авуна заз, агь, а гъилер! -
Кинерикай зегьем тангар,
Квев гекъигда, лугьуз, вилер,
Какахьнавай гьуьлуьн рангар.
Гила чиник кутаз серин
Лагьайт1ани агъур гафар,
На зун патал живед к1аник
Хуьзва цуьквер, хуьзва гатфар.
Хъилер ийиз, гьикьван на пел
Ч1урайт1ани, играмиди,
За кисна ваз гуда темен
Кьве ц1арц1ик квай Саадидин".