На мокшанском языке с прямым подстрочным переводом
Сембе минь эряфть сон петькольсь шарыть,
Всей нашей жизни оно — ось колеса,
Перьфканза шарондыхть ашушись и пиндолфсь.
Вокруг него вертятся бедность и роскошь.
Седиесонк тнярдонь Зырнянь букась-идолсь
В наших сердцах древний Золотой телец-идол
Вастть занцесы, коса эряволь улемс Шкайти.
Место занимает, в котором надлежит быть Богу.
Афкуксонь козяшись аф видеть мархта
Настоящее богатство с ложными ценностями
Шовордавсть и фкя-фкянь эзда явфтомс аш кода.
Смешалось и их друг от друга отделить невозможно.
Лоткак пульхксемс, арьсек и содак,
Оставь суету, подумай и выясни,
Мезе канды кальдявтть, а мезе пароть.
Что несёт зло, а что добро.
Козяшись – паршись, вельф ламось,
Богатство — благосостояние, сверхдостаток,
Аф ашушись, ваймоньконь топафкссь,
Небедность, нашей души удовлетворение,
Лопась кунардонь Кумранонь;
Свиток старинный Кумранский;
Тюсне, казсь конатнень сёксесь;
Краски, которые подарила осень;
Козяшись – ваймоньконь сятявшись,
Богатство — души умиротворение,
Эсь пингстонза лездомась малать,
Своевременная помощь близкого,
Ломанень кельгомась, ляпешись;
Человеческая любовь, нежность;
Тевонкса кшись сявф – аф салаф;
Заработанный хлеб — не сворованный;
Козяшись – шачема кяльце;
Богатство — родной твой язык;
Тонафнеф кяльсь иля масторть;
Выученный язык иностранный;
Эрьгясь-шумбрашись, пяльксце;
Сила-здоровье, счастье;
Паронь арьсемань потмось ваймоть;
Доброжелательная душа;
Козяшись – Тибетонь догсь-пинесь;
Богатство — Тибетский дог-собака;
Азорондамась, сотксне;
Власть, связи;
Эряфцень ваймама пингце;
Твоей жизни свободное время;
Валмуворксне, морхне, ёфксне;
Пословицы, песни, сказки;
Козяшись – унксне женшенень;
Богатство — корни женшеня;
Маштомась ванфнемс, касфнемс;
Умение беречь, воспитывать;
Ошка-пандть ала эшись;
У Ошка-горы(1) колодец;
Атянь атяньконь тнярдонь сатфксне;
Прапрадедов прошлые достижения;
Козяшись – визьксце, эсь отямсь;
Богатство — твоя совесть, свобода;
Ётаф ки-ятне, кизотне;
Пройденные дороги, годы;
Альнякашись, шабась потяйсь;
Братство, грудной ребёнок;
Ару ведсь ляйхнень, пизепнень;
Чистая вода рек, дождей;
Козяшись – ёньсь, танадсь, мялямсь;
Богатство — ум, способность, память;
Масторть перьфпяльть ресурсне;
Страны природные ресурсы;
Зырнянь и ярмаконь кяскавсь;
Золота и денег мешок;
Кърганятне, пильксне, сурксне;
Бусы, серёжки, кольца;
Козяшись – пелькссь, васькафнемась,
Богатство — страх, обман,
Тюремась, кяжсь, сельмоветтне;
Война, злоба, слёзы;
Смузють мархта васедемась,
С мудрецом встреча,
Няйф атямёнгсь, акша ветне;
Увиденные радуга, белые ночи;
Козяшись – кудттне, уматне,
Богатство — дома, посевы,
Жувататне, паксятне, виретне,
Скотина, поля, леса,
Морять и стирть мазы търватне,
Моря и девушки красивые губы,
Касыкснень лиси видьметне.
Растений дающие всходы семена.
Козяшись - …
Богатство — …
Козяшись прокс шуди ведсь -
Богатство словно текущая вода—
Сась и тусь кядь лапшть сурхнень пачк.
Пришло и ушло сквозь пальцы.
Ляды най пара тевсь
Остаётся лишь доброе дело
И ломанть лемс лемдьф менельть тяштсь.
И в честь человека названная звезда.
(1) — Древнее мордовское городище.
Н.Тюрькин
30.10.2012