Са вахтунда к1вачерик,
Акатна зи са курц1ул.
Ц1угъ ягъаз акъвазна ам,
Заз ак1 хьана я цуц1ул.
Кьуна ама за гъапа,
Хутхвана ам чи к1вализ.
Дидед авур заз хап1а,
Гана адаз за чимиз.
Тум къекъуьриз, шад хьана,
Элкъвез хьана, гар хьтин.
Мез гуз чиниз зи курц1ул,
Акъвазна ам, са гъвеч1и.
Гила хьанва ам заз дуст,
Гьамиша рик1 шадардай.
Амма хьанва зун гьак1 суст,
Амал авач ийидай.
* * *
Гьикьван пара ширин я,
Зи аманат, зи курц1ул.
Къе рик1 т1имил серин я,
К1ваче гьатна зи уфул.
Вац1ал фена кьведни чун,
Кат -калтугун, къугъвазвай.
К1вач галк1ана, лап акьун,
Хьана загай к1арабрай.
Эгер къвайт1а гила марф,
Кьведни санал кьежида.
Амукьдач заз лугьур гаф,
Зун дидеди "рекьида".
Гьак1 ят1ани фида чун,
Багъ - бустанда къекъведа.
Ат1айт1ани лап зи ч1ун,
Зун рик1 шад яз экъведа.