Чим гузва чаз, яру яран ракъари.
Йифев гвай пай гахчузва мад , йикъари.
Къужахда кьунва т/ебиат гатфари
Ингье , мад чаз яран сувар атана.
Йифиз къвайи чигедини кьаз япар.
Акъажзава, ч1ехи ийиз таз къацар.
Чилерини алаз ц/ийи либасар
Девран чид я, им гатфар я лагьана.
Илигда лаш, чна хъуьт1уьн къаярал
Кич/ерар гуз, яран еке ц/аярал.
Акъвазна вилив хьуьз сувар, варарал
Хкадриз, ийида кьуьлер дат1ана.
Им гатфар я, гьакъикъат я , эвел я
Яр,сувар гваз , атайди чи чилел я.
Яран сувар ша, чун къе вахъ ц/игел я
Гила ял ягъ, на мензилар ат1ана.