Вичи гьазурнавай хуьрекдик кьел лап булвилелди кутунвайди акур жегьил суса, к1валахдилай хтанвай итимдин вилик хуьрек эцигайдалай гуьгъуьниз вуч тахсирсузди чириз алахъна багьна кьуна , газет к1елиз башламишна.
Килиг ина вуч кхьенват1а? Сагъламвал хуьн патал ,гьар са касди , йиса пуд кило кьел т1уьна к1анзавалда.
Галатна, гишинни хьана , хтанвай итимди , папан чиниз килигна:
Амма завай пуд кило са сеферда нез жедач зи азизди лагьана вичин къаб кьулухъди папан вилик эцигна.
Асланни адан гъвеч1и вах санал къугъвазвай.
Гьик1 ят1ани ада вичин вахаз са лап1аш вегьена.
И кар акур дидеди Асланаз:Ваз гьина акурди я принцри принцессайриз лап1ашар вегьедай , ам хъсан кар туш.
Аслан:Лап хъсан кар я, бес принцессайри принцрин тум к1асун хъсан кар яни?
Экуьнахъ ахварай аватай Асланаз вичин дахди:
Килиг хва сенфиз аисти ваз са гъвеч1и вах гъана , ат1а кроватда эцигнава.
Аслан:Я дах аист вучтинди я, вун сенфиз аистихъ галаз ксанвайни , бес зи диде гьина авай а вахтунда?
Кьвед лагьай аял гъилиз атай дидеди, са нянихъ вичин гъуьлуьвай Вуч агакьзавач , ч1ехи хва ваннада туна экъуьрна мисик кутун т1алабна.
Бубадини тухвана хва экъуьрна са михьи лацу тасмалдик алчударна дамахдивди:
Чавай гила диде галачизни жеда и кар вири хъсан хьанани лагьана хцивай хабар кьуна.
Хци: Эхь , анжах дидеди зу экъуьрдайла гьамиша зи к1вачел алай туфлияр хт1унзавайди я вуна хт1уннач.
Телефонди зенг авуна.Аслана телефон къачуна. Алло , алло!
Телефондин а кьиляй К1вале вуж ава , къала кван телефондин карч я дахдив я тахьайт1а бахдив.?
Аслан: Абур к1вале авач.
Телефон: Бес вуж ава к1вале?
Аслан : зи вах!
Телефондай: Ак1 ят1а гице кван , адав телефон?
Аслан: са геренда кисна ахпа, я халу вуна залай гъил къачу, завай ам кьеп1инай хкажиз жезвач.
Вад йиса авай Аслана вичин дахдиз:
Дах , зазни эвлелмиш жез к1анзава?
Буба:
Эвлелмиш жез,вахъ к1андай кас авани?
Аслан:Эхь , зи баде
Буба: Я хва ам жедай кар туш эхир вин баде зи диде я,
Аслан: Вучиз туш, бес вун вучиз зи дидедал эвлелмиш хьанва?
Дах , я дах вуна дидедиз лугьумир гьаааа, за адан хайи юкъуз туьквендай къенфетар къачунвайди, лагьана вад йиса авай Аслана вичин дахдиз.
Дах:Ваз чизва хва зу гзаф рахан тийидайди , лугьудач за , ваз диде шадарриз к1анзавани?
Аслан:Ваъ еееее за абур вири жуваз т1уьна.
Аслан, жуван фу т1уьна куьтягь, тахьайт1а вун ч1ехи ва къуватлу жедач
Аслан: квез я заз ч1ехини къуватлу хьун?
Диде: ч1ехи хьайила хъсандиз к1валах ийиз жедайвал
Аслан: квез я заз к1валах авун?
Диде: жуваз са тике фу къазанмишун патал я хва.
Аслан: Эеееее, заз а фу герек авач , за маса зат1ар неда.