Ялгъуз хьана чуьллера
Гьатнавай са " К1енивал".
Мурад тир къе къалурун
Гелер гьа вуч, фейивал.
Алахъда зун билбил хьиз
Муг ийидай тара са.
Михьи са рик1 жагъурна
Кьада жуваз чка за.
Инихъ-анихъ килигиз
Вил вегьена рекьерал.
Са жегьил кас жагъана
Ацукьнавай векьерал.
Патав фена "К!ЕНИВАЛ"
Касдин, вичин къайда гваз.
Белки алакьин залай
Пашман рик1е чка кьаз.
"К1енивилиз" гьиссери
Фидай чка къалурна.
Явашдиз рик1ин къене
Вичиз чка жагъурна.
Рик1е, авай чимивал
Вик1егь хьана "К!енивал"
Гьазур хьана , женг ч1угваз
Я лугьуз им , кьадай к1вал.
Вахтар хьанай рик1и ам
Тахсир квачиз гатадай.
Хатур амукьнайт1ани,
Экъеч1начир мад анай.
К1енивилер артухриз
Мадни рик1ив агудна.
Ч1ехи хьайи к1енивал
И, дуьньядиз акъудна.