ЭВЕРЗАВА ШАРВИЛИЙРИЗ ДИДЕЙРИ
Я Шарвили! Эверзава чна ваз,
Гузвач вуна вучиз ят1а чаз къе гьай.
Фад я жеди гьазур туш чун женг ч1угваз,
Гузвач вуна белки гьадак чаз къе гьай.
Ви гел алай кьакьан дагълар амазма.
Ви к1вач акьур чи гуьлуьшан пелерни.
Чав вун рахай дидед чIални гумазма,
ЧIалак кума цIай квай хци хьелерни.
-"Я Шарвили!"-эверзава дидейри,
ГъвечIи, цицIи шарвилийри гузва гьай.
Эцигзава хтулрал тIвар бадейри,
Шарвилийри килигзава кьепIерай.
ЧIехи жезва ви тIвар алай рухваяр,
Эверзава Шарвилийриз дидейри.
АлачтIани тандал къадим чухваяр,
Авай хура такабур тир викIегь рикI.