Аддайце мне маё дзяцінства,
Што кожны мае ў мірны час.
Аддайце мне душы адзінства.
Аб чым прашу шчаслівых вас?
Аддайце мне пяшчоту маці,
Аддайце бацькаву любоў.
Аддайце мір у роднай хаце…
І цішыню блакітных сноў.
Аддайце мне маіх сябровак,
Аддайце мне маіх сяброў,
Знаёмых і аднаваясковак…
Звярніце мне без горкіх слоў.
А што, жаданне не магчыма?
А што, я шмат у вас прашу?
Я гэта аддала Радзіме,
Вайной прыбітая к крыжу.
Аддайце мне маё дзяцінства,
У вас чужого не прашу.
Аддайце мне душы адзінства.
Вайной забітая ляжу…
22.02.2018