***

АНА ТИЛИМ

Ана тилим, сен жаша эм жашна, 
Поэтлеринг назмуларын тагъарча.
Ёмюрледе сен бар аякълана,
Сёзюнг бла жюреклени багъарча.

Ана тилим, сен нарт тилим мени,
Къайсын, Кязим да сыйлагъан тилим,
Бирге этген Беш да Тау элими,
Сени бла сёлешди миллетим.

Сен - тюрк тилим, сен - алтын ауазым, 
Мени байлыгъымса  эм къадарым,
Сен бай тилим – тауланы аязы,
Эштип турсам, келеди жашарым.
 
Аллах берген ариу тилим мени,
Саулай дуниялагъа жайылдынг.
Сенсе мени сюйген жаным-тиним,
Алгъыш, тилек да бирден айтдырдынг!

Бейтугъанланы Исмаил