Къекъвераг хьиз къекъвезва зун дуьньяда
Чирда лугьуз , гьахъвал михьи рик1ерин.
Уьмуьр физва , дегиш тежез рик1ин гьал
Сагьиб хьана , писни хъсан рекьерин.
Шегьре тирт1ани , регьят рехъ жагъанач.
Анжах фагьумди рум гана, вилик физ.
Хабар кьурла ,гаруни заз лагьанач
Четинарнай , гьапур-чапур вилик гъиз.
Залан парар кьаз тунай вахтуни зав
Куьтягь жезва , рекьерни зу къекъвезвай.
Я звер амач к1вачера, я зирек ч1ав
Къвалав гва зи , кьисмет, къе зал хъуьрезвай.