Зи бахчадин къизилгуьл
Ранг алай хъипи,
Пехилвал гваз заз килигна ,
Лагьана вичи.
Гару ягъна назик беден
Хана, юкьван тар,
Вегьена зу къайи чилел
Алай марфни кьар.
Зани , гьа вуна хьиз т1уьнай
Зат1, чили гайи.
Чигедин ядни хъваз хьанай
Йифиз зал къвайи.
Вахт хьайила , на хьиз ганай
Бегьерарни за.
Гуьзетнай , гьар юкъуз
Экуьн сегьерарни за.
Чида , а кар лезет къачуз
Вун шад тирди зал.
Гъвеч1и уьмуьр , лагь заз икьван
Ганва, вуч патал?
Гуьрчегвиляй , гарун хуруз
Лагь, ракъурнат1а?
Ракъинини пехилвиляй
Зун кьурурнат1а?
Рахана зунни цуькведив
Лагьана, гьа, хьайиди.
За вуч ийин, бес, вун цуьк я
Инсан я, зу хайиди!