К1анто, 1а т1а диллад, духьал долчо,
Дог ма лелха, к1ала ма виса!
Майралца велаш, догдоахаш дучо,…
Хургдоацар синга ма кхахьа даьсса,
В1алла юхе ма дитал, цхьакх бесса!
Цар дешаш-м хетар мара дац хьона,
Ужаш нохчий хилча, сийле яц-кха!
Г1алг1ай боацаш, цар ца1 хилац тайна,
Гаьвар яъ, Син-Солта! Хила саькха,
Дего д1адехар луш, дунен лайна!
Ма кхера хьо г1атта берза к1аза,
Б1арга хий далар, хьога в1алла тац!
Диканга отташ, т1ахьехам байза,
Хьай къоначул дохкар хьона т1адац,
Даьла къахетам хьона ба бийза.
Дукха наха, хьо хилва тешамца,
Веларца дувца, деррига оалаш!
Белгалла саг езалуш – безамца.
Из б1аргара лир хилда хьа къегаш,
Г1алг1ай к1ант Син-Солта, хьай ло1амца!
Халонаш-м хургъя хьона, уж хинний,
Эшац царех, сел са те11а ваха,
Гонахьа шерра хьа дуне ма дий!
Кордог1аргда хьона хьаде, лаха,
Дожа ма делахьа г1алг1а хьай сий!
1омале хьо ваха хьай г1алатех,
Ай, дика-м да наьхачарех кхеташ!
1ехь ца хеташ хила, яьнна баьгех,
Вахар къаьхь дале а, хьайна мегаш,
1а т1а дулаш лела, цу нохчий моаках!
Товш, хила хьо товш - дег1а, борала,
Тха г1алг1ай к1ант, тха воша Син-Солта!
Дезалда хьона, нах маьрша лела,
Хьалдизал хьай вахар лоама метта,
Садаккха ч1оаг1а, - вай лаьтта ваха!
Нохчи-м 1ергбац хьона иштта атта,
Вайдар шоай да яхаш, талбаш етташ.
Къайла моаст1аг1ал гойташ сел сетта,
Шоай б1еха дегашца духьал сетташ,
Маьржа яъ хьо, галг1ай к1ант Син-Солта!