Са безам ба, дегахьа хулаш хьоца,
Д1айха хьастардеш, бочахета хьа дег1.
Дийнахьар хало сингар д1атасарца,
К1ежах хий дохийташ, хьа безам аз лех.
Укхаз лувчаш, вай кхыдараш ма да,
Яц хьа прическа е макиаж го –
Е б1аргий сийгаш хала гаргар да,
1аьржалуш б1аргиш доагаш хула хьо.
Мела лужа хьа хоза уш кулгаш,
Вай дег1амаш села дайха хинна,
Цига лувчаш хул, марх1а доахка мегаш,
Мар-сесаг хиларца тайна даьнна.
Фатта етта вай дег1а т1адамаш,
Тхир т1адамаш мо белаж т1ар долхаш,
Аз шортта лерга ваха дош оалаш:
«Са малейк хьо хилар, адам долаш
Сона еза хьо са хьог1 садоалаш».
«Могаш хила хьо са боча кхалсаг»,
Аргда аз хьесташ хьо сайна езаш,
Марх1айолла, хьат1ато1еш ма мог,
Со ц1авена, гаьна хиннар волаш.
Мела сатийса ха д1аяхар са,
Хьо уллув йоацаш, со цхьа ца1 хилар,
Юххера хьакхаьча ер сахьат да,
Хьа юхь-сбат духьалар д1а ца даьлар.
Фуд тахан вайга кхаьча безама,
Мерза чам ба д1айха, ц1е, хьа борди,
1а бартбаккхар дега дезаш тоама,
Хьа дег1 да эшаш аз хул лораде.
Хьо йоацаш са вахар дац д1адахьа,
Хилалда вай хьона дезар цхьана гуш,
Са илли хургда дека са даха,
Вай лакхе д1акхоачаргда войла товш.
17.11. 2017 г.