Шадвалзава хъуьт1уь вичин
Къайу кьунвай гьаларал.
Къиравдикай партал квена,
Алук1нава тарарал.
Рехи хьанвай ч1ехи чилин
Чина авай биришар
К1евзава хъуьтуьл живеди
Хурам ийиз еришар.
Юкь, хьунивай мекьи хъуьт1уьн
Къалин жезва пелтеяр
Лацу къирдал туьк1уьрнава
Хъуьт1уь, хуьруьн куьчеяр.
Гагь аязди гьарайзава
Хабар гуз, вуч къвезвайди.
Гъвеч1и уьмуьр вахтуналди
Ялда , вичиз жезвайди
Шехьдалда вуч , рекъини къвез
Нураралди гатайла.
Ц1уруриз рик1, вун квахь инай
Лугьуз гатфар атайла.