ХА ЯДАР.. Мустафа Ганижев

            

Фордо талг1е бердаг1а етташ,
дег1 доацача ший наькъа т1а –
бердах меттаей юхайодаш,
1овдал са 1увдаш  я1а т1а.
Ду1а корзаг1доал, ди къувкъаш,
т1оа сегаш сагота дувх1а,
мех1аро кхери д1адоахаш,
хи т1а оалхазар ма 1увг1а.
Хала да шедар сага ла,
н1аб йоацаш цох  из висара,
цун саг хилац уллув вала,
деша тоамбе мукъа ара.
Б1арга са дайна низ хулаш,
лаьттан керахь сатем байна,
моастаг1и кхербалар доаг1аш,
дог хинна латт из сатийна.
1алам цкъаза дорхдаларца,
ловзар гойта  хулар цун гом,
эг1азал курбеш* низаца,
гушъяц хьежарг** – д1абоаккха т1ом.
Низ хилац массанахь кхача,
дадезараш дукха долаш,
замано вуг хьехам луча,
из дайнар  меттаотадеш.
Фордо бердашца къувсаш мо,
саги вахар хано тоаду,
б1арга са дайна низа тов,
ший ханнахьа а саг къалу.
   
  курбеш*- 1адал бедоалаш (правит);
  хьежорг** - топа нийсса хьожаю моттиг (мушка).