Ха1лды къавыла ха1дей сеп1ес
Зы лёч1уры банад рава,
Харч1ед ха1ла авыргыр сес:
"Гъуй ихьыыр, ахмакъ гада!"
Хыл сикыйне ха1дей хавхъас,
Хырыд япхы1р ха1лды гьава:
Кумаг вияъ, Аллаъ, гъуй зас,
Зы гъаркыр а такан бана.
Йилары гъу, зас рыкад рыш?
Шунары гъу, зас рыкад рыш?
Маннас рывыс аркор ад сус-
Зас рыкад рыш,
Зас рыкад рыш!
Ц1ай кид хьуд гьик1ь серинаас
Кумаг вагъыр ха1лда выше:
"Ваз, ц1инды ваз, зы сабыраас
Саъ сивыка югълад перде...
Гъу гьаргуйне зас пис рууй
Э1быр лувзав гьик1ьид дамра,
Ит рукь рууй изды гэ1ле
Гъу гьаргуйне, быт1рад биче!
Йилары гъу, зас рыкад рыш?
Шунары гъу, зас рыкад рыш?
Маннас рывыс аркор ад сус-
Зас рыкад рыш,
Зас рыкад рыш!
04.12.2010г.
В этом стихотворении говорится о любви парня к возлюбленной, которая не дождалась ЕГО.