Иран-дидедилай жуван
Са-кьве тариф ийин квез.
Са геренда ачух суфра
Гьазурда, чи к1вализ къвез.
Холодильникни акъайиз
Кьери зат1ар къалурда.
куш-куш ягъиз вичин рушаз
Зи синихар жагъурда.
Гагь кьил кьаз, физ куьк дивандал
Ийиз жеда тапарар.
Адет авач лугьуз к1вале
Пад жезвалда дамарар!
Заз буйругъар гзаф гуда
Уьмуьр гьализ чирзавай.
Куь тежриба екеди туш,
Яшамиш жез, чир завай.
Сятдин вадаз къарагъарна
Хзан авай ахвара.
Аллагь шуькуьр иран-диде
Вун авайди яргъара.
Гьуьрметда ваз иран диде ,
И кар за кьазва хиве.
Кьериз чиниз къвезвайвиляй
Дуствал ава чи к1вале.
Иран диде куьтягьа на ви рахун
Ву гьахъ хьурай! бесрай гафар заз лугьун.
Ша хутан за , шегьердиз ву фад рекье
Заз хуш я , вун яшамиш хьун ви к1вале.