***

Стих-посвящение
Х1ерумсуси муг1яллим Пат1имат Аминовас

Г1ях1ял-шайс дях1 шаласи,
Шантас урк1и абхьибси,
Багьудлумачи гьуц1ли,
Пурсат- мугьлат агарси.

Ца нешли х1ераркьадра,
Х1угъунти бахълис рузи,
Гьар- гьарилла х1ерирар
Х1ечи мешуси рузи.

Урк1и авадан, гьарзал,
Диркьала капарайван,
Шикьат1айзир гьалакси,
Дуц1румлизир чях1-забван.

Ванати ва  шалати,
Дашаб г1ямрула бурх1ни,
Бетааб игъбарлати
Дурх1нала дурх1ни-чат1ни.

Пагьмукартала кьамла
Гьуни даимбирули,
Бугали калаб кьалам,
Т1ама зайбик1аб ахъли.