ДИЛА ДУДЕШЛА УРТАХЪ ЯКЬУПЛА Х!ЯЖИС
Дербентла къалагъуна,
къаркъала бут1агъуна,
балгун кулпетла дайлав
балагьлис баругъуна.
Дибгашила шиличи
бац-берх1и ирт1аб нурли,
ши-дублаб х1ела хъайчи
мабак1аб гьуни кьарли.
Дудешла улгу-мина
авадан чархлис мугьлат,
х1еркайрулри х1едуи
аттала багьа-х1урмат.
Адамдеш, ламус-хатир
аниъличил дерхъибил,
берхъиб жинсла ца кьяли
верхъаби верх1кьярякьли.