МАГАС Мустафа Ганижев
/илли/
Дукха хилар г1аьрхой хьо е,
Хьа Са де царна маганзар.
Хьога хьожаш г1алг1аш сий де,
Дай гораотта тиганзар.
Б1аьшерашка дар из хьалха,
Г1аьрхош йоажаеш вай Кавказ.
Тахан Даьла дика алхха,
Диййнялар – дошо Магас!
Еза Магас даим ч1оаг1а,
Дега тоам хулаш, Са хьбесташ.
Еза Магас дега доаг1а,
Тха уйлаш я хьога лесташ.
Г1алг1ай са дийнадар Дала,
Дунен хьа сийле гу Магас.
Хьа денл бв дегахь ала,
Даим еза – дошо Магас!
Тха ираз да дувзаданна,
Сахул седкъа сага хьо ба.
Г1алг1ай сий айде г1озадаьнна,
Адамаш а маьрша хьоца да.
Еза Магас даим ч1оаг1а,
Дега тоам хулаш, Са хьесташ.
Еза Магас дега доаг1а,
Тха уйлаш я хьога лесташ.
Ираз дола г1оза Магас,
Бер нанас мо хьо лораеш.
Тха дегаг1озле я Магас,
Хьоца бола безам айбеш.
Кура йолаш, безам байташ,
Денна дола вахар мерзадеш.
Магас хьайцар беркат гойташ,
Къаман сий дар 1а лакхдеш.
Еза Магас даим ч1оаг1а,
Дега тоам хулаш, Са хьесташ.
Еза Магас дега доаг1а,
Тха уйлаш я хьога лесташ.