Даьхе лургъяц сага мустафа ганижев

      
Са х1амсар Дай Мохк – Г1алг1айче,
Хьа безам сона маьлан бувл,
1а сона бахьар хьай кхача,
Барта, цхьоаг1она уллув вувл.

Лакхера кховдадаь дера,
Деза, къиза хинна из кулг,
Даьхенгар новкъостал тайра,
Наьна Г1алг1айчен хинна дог.

Укх дунен т1а, тоъам боацача,
Са дагар из мара йоацаш,
Массаза вожа вийзача,
Ший кулгашца Цо со айвеш.

Са дегар овлаш  д1алаьца,
Хьамсар Г1алг1айче я яхаш,
Шийцига вугаш ло1амца,
Харцо Цо хилар д1аэккхаеш.

Сай Даьхе езаш, теша со,
Ха чахка удаш т1ехь ца кхувш,
Сай къавалара мегаш мо,
Хоастам бу аз Даьхе езаш.

Укх дуненцар бола безам,
Сона-м кхы из д1абаьнабац.
Из бар са дегара тешам,
Цундухь вахар к1ордадеш дац.

Мерза Даьхе, са Г1алг1айче,
Хьо цхьанена аз д1алиргяц!
Низ чубеча, са чудеча,
Вай моастаг1 юхе вутаргвац!
                Мустафа Ганижев     26.12. 2017 г.