Азир зуг1яла лерли
Къяйц1бик1ар кьакьакад хя,
Бак1алли буг1яр яни,
Авбик1ар вац1ала бец1
Биалли бац1ли кани.
Дец1лизи диркур чат1ни
Дуалли дурх1на пукьни,
Бергеси х1ебиркалли,
Къумдик1ар гушли лагьни,
Нешла ниъ х1едерхъибти
Медик1ар язихъ мукьри,
Жан дигули ч1ивдик1ар
Кьакьал т1акьалар жибх1ни.
Чегалли тап ва хунк1и,
Бисур кьакьалаб дурх1ни,
Х1ейсалли чус начурби
Дахъдиру рурсба къугъни.
Азир зуг1яла лерли,
Лех1кахъилра ну лех1ли,
Излума зерзербирул
Ванза ах1ербилзули.